Përmirësimi i infrastrukturës do të vijojë pa ndalim sepse ne themi atë që bëjmë e bëjmë atë që themi
Bashkë me Fondi Shqiptar i Zhvillimit/ Albanian Development Fund kemi nisur punën për sistemimin e asfaltimin e disa prej rrugëve kryesore të qytetit, për të vazhduar më tej me akset e brendshme të lagjeve që prej kohësh janë në gjendje tepër të amortizuar.
Mamurras – 31 familje do të kenë së shpejti në dorë çelësat e apartamenteve të reja në pallatin që po ndërtohet shumë herë më i bukur, më i fortë e më i sigurtë se ai që kanë patur. Aktualisht ka mbaruar pjesa më e madhe e punës dhe po vijohet me punimet e brendshme dhe të fasadës
“Nikë Tomë Prela”, një tjetër objekt arsimor dinjitoz në shërbim të nxënësve, mësuesve dhe banorëve të kësaj zone 
Bashkë me gjimnazin e ri të sapo rikonstruktuar “At’ Shtjefën Kurti”, terrenet e reja sportive dhe hapësirat e përbashkëta, kjo shkollë krijon jo vetëm një kampus arsimor të mirëfilltë por edhe një qendër të re komunitare në njësinë administrative Fushëkuqe 
Një ambulancë e re dhe e pajisur me të gjitha aparaturat e nevojshme i shtohet flotës së automjeteve të spitalit të Laçit falë bujarisë së mikut norvegjez Ove Johan Harestad të cilin pata kënaqësinë ta mirëprisja në ambjentet e bashkisë Kurbin dhe më pas të kryenim procedurat e dhurimit pranë spitalit.
Faleminderit nga 
Mamurras – Bashkë me Benardin dhe Erjonin inspektuam sot kantierin e qendrës së re shëndetësore. Puna po ecën me ritme të shpejta dhe besojmë ta kemi gati përpara afateve të përcaktuara
Qendra e re shëndetësore po ndërtohet nga themelet me standartet më të mira dhe do t’u shërbejë mijëra banorëve të Mamurrasit që deri më tani i marrin këto shërbime në ambjente të improvizuara e aspak dinjitoze si për qytetarët dhe për stafin mjekësor
Laç – Po punohet për vendosjen e sinjalistikës horizontale e vertikale në rrugët e qytetit për të ndihmuar në disiplinimin e lëvizjes së mjeteve dhe këmbësorëve
Në mbledhjen e Këshillit Drejtues të Fondit Shqiptar të Zhvillimit bashkë me zv. Kryeministren Belinda Balluku e kolegë të tjerë për aprovimin e mandatit të ri të kreut të FSHZH dhe një sërë projektesh e programesh zhvillimore.
Me datë 23.01.2024 u realizua trajnimi i radhës me përfaqësues të biznesit, shoqërisë civile, medias dhe aktorëve të tjerë në Kurbin. Trajnimi nga eksperti Ergi Kadiu synon të informojë dhe ndërgjegjësojë aktorët vendorë mbi mundësitë dhe përfitimet në funksion të përfshirjes së tyre si pjesëmarrës aktivë për zbatimin e Planit Vendor të Veprimit për Efiçiencën e Energjisë në Kurbin.
Pjesëmarrësit, kryesisht përfaqësues të biznesit prodhues dhe të shërbimeve në zonë, shprehën vullnetin e tyre për të investuar në panele diellore pranë bizneseve të tyre për të reduktuar kostot e energjisë dhe orientuar drejt burimeve të energjisë së rinovueshme.
Planin Vendor të Veprimit të Efiçencës së Energjisë të Bashkisë Kurbin mund ta konsultoni në:
Ky projekt zbatohet nga #ASP në bashkëpunim me Institutin e Prishtinës për Studime Politike #PIPS dhe Bashka Kurbin dhe Komuna Suharekë me financimin e programit Ndërkufitar Shqipëri – Kosovë të Instrumentit të Paraaderimit IPA II të Bashkimit Evropian.
#IPACrossBorderCooperationProgrammeAlbaniaKosovo
#Akademia e Studimeve Politike
#Prishtina Institute for Political Studies – PIPSS
Bashkia Kurbin ka në process zbatimi projektin “Rruga drejt përdorimit efikas vendor të burimeve natyrore” me fokus rritjen e njohurive dhe bashkëpunimit të aktorëve të ndryshëm në Shqipëri dhe Kosovë për zbatimin në nivel vendor të politikave kombëtare të efiçencës së energjisë dhe ndryshimeve klimatike. Ky projekt zbatohet në bashkëpunim me Akademinë e Studimeve Politike (ASP- Lead Partner), Institutit të Prishtinës për Studime Politike (PIPS) dhe Komunën e Suharekës, me financimin e programit Ndërkufitar Shqipëri – Kosovë të Instrumentit të Paraaderimit IPA II të Bashkimit Evropian. Projekti ka një kohëzgjatje prej 30 muajsh për periudhën prill 2022- shtator 2024.
Autoritetet vendore në dy bashkitë e përfshira në këtë projekt do të përfitojnë rritjen e mëtejshme të njohurive të stafit të tyre si dhe shkëmbimin e ekspertizës për hartimin e Planeve Vendore të Veprimit për Energjinë dhe praktikave të tjera, në zbatim të detyrimeve që lindin për autoritetet vendore nga legjislacioni kombëtar për energjinë dhe mjedisin. Njëkohësisht, projekti do të mundësojë investime konkrete në termoizolimin dhe masa të tjera efiçente në një kopsht fëmijësh në Kurbin dhe ndriçimin me energji diellore të tre ambjenteve publike në Suharekë. Këto investime pilote jo vetëm që do të përmirësojnë cilësinë e shërbimeve vendore, por synohet që të ndërgjegjësojnë biznesin dhe komunitetin vendor për të orientuar investimet e tyre drejt zgjedhjeve të gjelbërta.
Krijimi i një mekanizmi të qëndrueshëm për dialog dhe konsultime ndërmjet të gjithë aktorëve vendorë për çështjet e efiçiencës së energjisë dhe ndryshimeve klimatike do të mundësohet falë eskperiencës së ASP dhe PIPS për të sjellë së bashku aktorë të rëndësishëm vendorë të biznesit, aktivistë civilë dhe përfaqësues të medias.
Të gjitha këto ndërhyrje pritet të kontribuojnë në mbrojtjen e mjedisit dhe përdorimin e qëndrueshëm të burimeve natyrore në të dyja vendet, nëpërmjet një ndërhyrjeje zhvillimi ekonomik dhe social më efikas dhe miqësor me natyrën.
Aktivitetet e zbatuara deri tani nga projekti:
1.Vlerësimi i situatës dhe identifikimi i konsumit të energjisë në të gjitha nivelet
2.Finalizimi i sondazhit për të matur njohuritë e aktorëve lokal mbi çështjet e Efiçensës së Energjisë dhe Klimës
3.Përgatitja e planit të komunikimit dhe visibilitetit të projektit
4.Realizimi i eventit mbi Eficencën e Energjise ,prezantimi i rezultateve të sinadazhit dhe inputet nga aktorët lokal
5.Finalizimi i dy planeve lokale të veprimit për Efiçencën e Energjisë për Bashkinë Kurbin dhe Komunën Suharekë
6.Realizimi i trajnimeve për rritjen e kapaciteteve të aktorëvë të ndryshëm dhe ditë shkëmbimi për dy stafet e bashkive
7.Përgatitja e metodologjisë për raportimin e të dhënave të energjisë për autoritetet kombëtare /Krijimi i një strategjie për auditimin e ndërtesave publike në lidhje me Efiçencën e Energjisë /Përgatitja e një manuali mbi prokurimin e Efiçensës së Energjisë në nivel lokal,një model i cili mund të përdoret nga të gjitha bashkitë
Projekti vazhdon të jetë në proces zbatimi nga të gjithë partneret dhe aktivitete të tjera do zbatohen deri në përfundim të afatit të parashikuar të projektit.Projekti “Rruga drejt përdorimit efiçent të burimeve natyrore vendore”, financohet nga IPA II Programi Ndërkufitar i Bashkimit Evropian Shqipëri – Kosovë, thirrja e 3-të për aplikim, dhe zbatohet nga Akademia e Studimeve Politike (APS), Instituti për Studime Politike të Prishtinës (PIPS), Bashkia e Kurbinit dhe Komuna e Suharekës
Krenarë për transformimin e deritanishëm të infrastrukturës dhe shërbimit të sistemit shëndetësor në Kurbin dhe optimistë se me mbështetjen e pakursyer të qeverisë shqiptare më e mira është përpara në këtë sektor kaq të rëndësishëm për çdo qytetar
