Drejtor: Fatbardha POJANI
Misioni i Drejtorisë:
Drejtoria e Arsimit, Kulturës, Rinisë dhe Sportit udhëheq dhe merr pjesë në procesin e planifikimit të zhvillimit të Arsimit, Kulturës, Rinisë dhe Sportit në territorin e Bashkisë Kurbin.
Ajo koordinon bashkëpunimin në mes administratës së Bashkisë dhe të gjithë institucioneve, organizatave dhe individëve të interesuar ne fushën e zhvillimit te artit kulturës dhe sportit.
Objektivat e Drejtorisë janë:
- Hartimin e programeve për zhvillim, mbrojtje dhe promovim te vlerave të trashëgimisë kulturore, valorizimin dhe rrjetëzimin e tyre për t`i bere pjese te jetës qytetare dhe turizmit historik e kulturor, si dhe te ktheje ngjarjet e traditës ne një destinacion kombëtar dhe rajonal.
- Organizimin e festave dhe konkurseve për artin dhe kulturën, duke krijuar hapësira te reja ne rritjen e komunikimeve dhe shkëmbimeve te vlerave artistike, kulturore dhe historike.
- Mire përdorimin e fondeve për te garantuar shërbime dhe infrastrukture ne standartet e kërkuara ne arsimin parauniversitar, kopshtet dhe çerdhet.
- Promovimin, vitalizmin, llojshmërinë dhe zhvillimin e sportit duke përkrahur dhe çdo iniciative private, me qëllim edukimin e përgjithshëm të qytetareve.
- Organizimin e aktiviteteve artistike, kulturore, rinore dhe sportive me qellim çlodhjen dhe argëtimin për qytetaret.
- Koordinimin e bashkëpunimin mes administratës së Bashkisë dhe të gjitha institucioneve, organizatave dhe individëve të interesuar në fushën e kulturës arsimit rinise dhe sportit ne Bashkinë e Kurbin.
Detyrat e Drejtorisë janë:
- Promovimin dhe zhvillimin e aktiviteteve te trashëgimisë kulturore.
- Mirëmbajtje dhe investime për trashëgiminë kulturore.
- Përmirësim të menaxhimit dhe të administrimit të institucioneve të trashëgimisë kulturore.
- Fuqizimin dhe rritjen e kapaciteteve te institucioneve kulturore dhe artistike te bashkisë Kurbin.
- Pasurimin dhe gjallërimin e jetës kulturore nëpërmjet zhvillimit të aktiviteteve artistike dhe sportive për gjatë gjithë vitit.
- Promovimin dhe nxitjen e leximit si instrument edukimi, duke rritur eksesin dhe cilësinë e shërbimit pranë bibliotekës së qytetit.
- Te promovojmë dhe te nxisim pjesëmarrjen aktive te te rinjve ne aktivitete sportive si aktore kryesore ne zhvillimin e territorit.
- Menaxhimi dhe miradministrimi i strukturave sportive dhe krijimi i infrastrukturës se përshtatshme dhe cilësore për te gjithë sportet.
SEKTORI PËR ARSIMIN, KULTURËN DHE RININË
Detyrat dhe përgjegjësitë janë:
- Bashkëpunon me drejtoritë e shkollave dhe komunitetin nëpër lagje të qytetit dhe vijon punën për frekuentimin e nxënësve në mësime, për zbatimin e detyrimit shkollor;
- Në bashkërendim me Policinë Bashkiake dhe Policinë e Shtetit merr masa për të siguruar rendin e qetësinë në ambientet shkollore, si dhe në rastet e grumbullimeve e veprimtarive të ndryshme.
- Punon për administrimin dhe gjallërimin e jetës kulturore dhe artistike të qytetit Kurbin nëpërputhje me politikat e bashkisë, me fokus të veçantë zhvillimin e aktiviteteve rinore;
- Koordinon punën midis institucioneve vartëse (Pallatin e Kulturës, bibliotekën, dhe Qendrën Kulturore të Fëmijëve etj);
- Përgatit materialin e duhur për një projekt kulturor (shkresa përcjellëse, kontrata, çelje fondi) dhe e ndjek atë deri në financimin e projektit;
- Me urdhër të drejtorit mbikqyr organizimin dhe realizimin kulturor të gjithë ceremonialeve zyrtare;
- Koordinon punën me sektorë të tjerë, për realizimin e projekteve të përbashkëta të fushës kulturore dhe artistike;
- Mban lidhje me organizatat rinore (parlamentin rinor dhe qeveritë e shkollave) lokale dhe kombëtare, të cilat trajtojnë problemet e të rinjve për organizimin e aktiviteteve të përbashkëta, kulturore dhe artistike;
- Ndjek organizimin e veprimtarive kulturore sipas kalendarit të programuar për vitin, sidomos në rastet e festave lokale dhe kombëtare;
- Evidenton pasuritë kulturore të qytetit, si ato arkeologjike, etnografike, figurat historike të qytetit etj., dhe organizon veprimtari për promovim vlerash;
- Mban lidhje me krijues të fushave të ndryshme, si të arteve figurative, krijimtarisë poetike , të trashëgimisë kulturore të qytetit, të instrumentistëve etj., dhe organizon hërë pas hërë takimepromovuese me ta;
- Nxit dhe mban me ngarkesë pune gjithëvjetore institucionet e kulturës në qytetin Laç si: Pallatin e Kulturës, bibliotekën, QKF etj., si dhe ndihmon në hartimin e rregulloreve të brëndshme për këto institucione;
SEKTORI I SPORTEVE DHE AKTIVITETEVE SPORTIVE
Detyrat dhe përgjegjësitë janë:
- Përgjigjet për administrimin e burimeve material, strukturave sportive në pronësi të bashkisë përjashtuar ato që janë të organizuara në forma organizmi autonome.
- Përgjigjet për administrimin e burimeve njerëzore të strukturave që promovojnë sportet në territorin e bashkisë , inspektorëve ,magazinierët dhe punëtorët e mirëmbajtjes së impianteve sportive.
- Të hartojë programin e aktiviteteve sportive për vitin në vijim;
- Ndjek kalendarin e aktiviteteve për futbollin dhe atë shumësportësh etj;
- Kërkon nga drejtuesit mirëmbajtjen e vazhdueshme të ambienteve sportive;
SEKTORI I PUNËTORËVE TË TERRENEVE SPORTIVE
Detyrat dhe përgjegjësitë janë:
- Organizon, koordinon dhe drejton punën brenda Sektorit duke bërë ndarjen e detyrave për punonjësit e Sektorit si dhe duke mbikëqyrur dhe duke siguruar kryerjen në kohë dhe me cilësi të detyrave nga ana e këtyre punonjësve;
- Mundëson kushtet normale për funksionimin efektiv të Sektorit;
- Realizon ndarjen e punës, jep instruksione dhe ndihmën e domosdoshme për vartësit në përmbushjen e detyrave;
- Siguron marrëdhënie të rregullta komunikimi me punonjësit e Sektorit duke garantuar vazhdimësinë e operacioneve të punës nëpërmjet transparencës në transmetimin e urdhrave;
- Siguron zbatimin e programit të detyrave për Sektorin duke klasifikuar përparësitë;
- Kontrollon, rishikon dhe nënshkruan të gjitha materialet dhe korrespondencat e hartuara nga punonjësit e Sektorit, para paraqitjes për miratim dhe nënshkrim tek Drejtori i Drejtorisë;
- Analizon mbarëvajtjen e përmbushjes së detyrave nga ana e Sektorit, informon drejtpërdrejt Drejtorin mbi punën kryer si dhe paraqet opinione në lidhje me këtë çështje;
- Kontrollon, analizon, vlerëson dhe informon drejtpërdrejt Drejtorin mbi rezultatet e punës të punonjësve të Sektorit dhe propozon për shpërblimin dhe kualifikimin e mëtejshëm të tyre;
- Përcakton procedurat dhe mënyrat e punës si dhe jep instruksionet dhe ndihmën e domosdoshme për punonjësit e Sektorit me qëllim përmbushjen e detyrave nga ana e tyre;
- Zbaton detyrat e ngarkuara sipas rregulloreve në fuqi si dhe planeve të punës të miratuara nga Kryetari i Bashkisë;
- Është përgjegjës për drejtimin dhe kontrollin e realizimit të detyrave nga specialistët e Sektorit që drejton;
- Është përgjegjës për a dministrimin e aseteve të sportit apo strukturave të tjera që i shërbejnë zhvillimit dhe stadiumeve, fushave të sportit, promovimit të sportit në territorin e bashkisë.